आदरणीय चिलंखे खड्का अचल सन्त्तती समाजका सम्पुर्ण परिवारका सदस्य ज्यूहरु आज हामी चिलंखे खड्का भनेर चिनिनुमा हाम्रा अग्रज मान्यवरहरुले गर्नु भएका असल ऐतिहासिक कार्यहरु ,हामो चालचलन,स्वभाव,आचरण,ब्यवहार बाट प्रस्ट भएकै छ । हामी सम्पूर्ण परिवारका सदस्यहरुको सफल्ताको पछाडी हाम्रा अग्रजहरुको न्यानो आसिर्वाद भएकै र पाएकै कारण हामी आफ्नो गाऊ,शहर ,देश,बिदेश जहाँ जान्छौ,बस्छौ हामी आफ्नो नाम,ईज्जत र प्रतिष्ठा कमाउन सफल भएका छौ । तर यी सब कुराहरुको अनुभुति पुस्ता बृद्धिसंगै बिस्तारै हराउदै गएको महसुस हुन थाले पछि हाम्रा अग्रज बुबा पूर्व डिआइजी (रा.अ.बि) श्री चन्द्रबहादुर खड्का ज्यूले २०४३ सालमा चिलंखे खड्का एक छोटो चिनारी नामक पुस्तक प्रकासनको तयारी गर्ने सिलसिलामा पूर्व खाध्य कृषि सचिब तथा राष्ट्रिय योजना आयोगका सह – सदस्य स्व -बेद बहादुर खड्का , सहायक अन्चलाधिस स्व -हेम बहादुर खड्का, स्व -सुरेन्द्र बहदुर खड्का ,प्राध्यापक डा .राम बहादुर खड्का लगायत अन्य अग्रजहरुको सर–सल्लाहमा सबै परिवारलाई एकढिक्का बनाउने अभिप्रायले चिलंखे खड्का गुठी नामक संस्था २०४४ साल बैसाख १ गते बाट स्थापना गरी सोही गुठी मार्फत २०४४।२।९ गते स्वःकेदार बहादुर खड्काबाट बिमोचन गरि परिवारका सदस्यहरुमा बितरण गरिनुका साथै गुठीले अन्य कार्यक्रमलाई पनि निरन्तरता दिदै २०५७ सालमा यस पाविारिक संस्थाको बिधिवत दर्ता प्रक्रिया पुरा गरि आज यो अबस्था सम्म आई पुग्दा सम्पुर्ण परिवारका सदस्यहरुले लाभ लिइ रहनु भएको छ । त्यो लाभ भनेको हामी छरिएर रहेको परिवारहरुको बिच सम्पर्क,सहयोग,सद्भाव र प्राप्त आसिर्वाद हो । हामीले छरिएर रहेका र बसेका परिवारका सदस्यहरुलाई एक ढिक्का बनाउनत सफल भयौ तर अझै पुर्खाहरुको नाम र कामको ऐतिहासिक दस्ताबेजिकरण र सिलालेखिकरण गर्न सकेका छैनौ किनकि हामीले चिलंखे खड्का अचल सन्त्तती समाजको आफ्नै भवन बनाउन सकेका छैनौ । यदि हामी संग आफ्नै भबन भएदेखि हाम्रा पुर्खाहरुले गर्नु भएको असल कृतिहरुको बिबरण सहितको नाम हामी सिलालेख मार्फत प्रस्ट रुपमा राख्न्न सक्थ्यौ र भावी पिडिले जान्ने बुझ्ने स्मरण गर्ने मौका मिल्ने थियो । हुनत हामीले बार्षिक प्रकासन गर्ने देउढुङ्गे पत्रिकामा पनि अग्रज आदरणीय ब्यक्तित्वहरुबाट खोज अनुसन्धान भइ प्राप्त ऐतिहासिक दस्तावेजहरु प्रकासन गर्ने गरेका छौ तर प्रत्येक ब्यक्तिको पुस्तक अध्ययन गर्ने बानी नहुने हुदा त्यस्ता ब्यक्तित्वहरुलाई समेत स्थायी रुपमा वेभसाईट मार्फत सबैकुराको जानकारी गराउने अभिप्रायले हामीले वेभसाईट निर्माण गरेका छौ हजुरहरुले हेरि सल्लाह र सुझाव दिनु हुनेछ भन्ने आशा राखेका छौ । अब हाम्रो अर्को योजना भनेको गुठी भबन ब्यबस्थापन गरि सिलालेखिकरण गर्ने रहेको छ यति काम गर्न सकियो भने मिटिङ्ग लगायत अन्य कार्यक्रमहरुमा एक न एक दिन अबस्य उपस्थित हुनेथियो र भावी पुस्ताहरुलाई आफ्ना अग्रजहरुको बारेमा नजिक बाट जान्ने, स्मरण गर्ने अवसर मिल्ने थियो र सुनमा सुगन्ध थपिने थियो यसको लागी सम्पुर्ण अक्षयकोष दाता लगायत सुरुदेखि आजका दिन सम्म कार्यसमिति तथा सल्लाहकारमा रहि योगदान पु–याउनु हुने महानुभावहरुलाई धन्यवाद टक्रयाउदै पुनः गुठी भबन जसरीनि बनाउनु पर्छ भनेर साथ सहयोग हौसला आसिर्वाद दिनु भई योजना सफल बनाउन भरपुर सहयोगको लागी हार्दिक अनुरोधका साथ सम्पुर्ण पारिवारिक सुख समृद्धिको लागी कुलदेवता संग प्रार्थना गर्दछु । धन्यवाद ।

अध्यक्ष
श्री केशर कुमार खड्का
चिलंखा,लोटिङ्ग